Policia e Kosovës ka ndërmarrë veprime të shpejta dhe të koordinuara pas një incidenti me armë zjarri që ndodhi më 16 korrik 2025, rreth orës 10:30, në fshatin Qyshk të Pejës.

Sipas njoftimit të Drejtorisë Rajonale të Policisë në Pejë, njësitet relevante të Stacionit Policor të Pejës janë njoftuar për të shtëna me armë dhe menjëherë kanë dalë në vendngjarje. Viktima ka deklaruar se dy persona të dyshuar ishin parkuar në oborrin e tij dhe pas një mosmarrëveshjeje, njëri prej tyre ishte larguar nga vendi, por ishte kthyer pak më vonë dhe kishte shtënë disa herë me armë në ajër, përpara se të largohej në drejtim të panjohur, transmeton lajmi.net

Në vendngjarje janë sekuestruar dhjetë gëzhoja armësh zjarri. Policia ka kryer edhe një bastisje në shtëpinë e njërës prej palëve të dyshuara, ku është gjetur dhe sekuestruar një OC-sprej (sprej djegës).

Njëri nga të dyshuarit është arrestuar menjëherë dhe, pas intervistimit, është liruar në procedurë të rregullt me urdhër të prokurorit të shtetit.

Ndërkohë, si rezultat i punës intensive hetimore të njësive policore, më 17 korrik 2025, rreth orës 19:30, është identifikuar dhe arrestuar edhe i dyshuari i dytë. Gjatë kontrollit tek i dyshuari janë gjetur dhe janë sekuestruar:

• Një armë automatike e llojit AK-47

• Një karikator i së njëjtës armë

Pas intervistimit, me vendim të prokurorit të shtetit, i dyshuari është ndaluar për 48 orë.

Policia e Kosovës ka bërë të ditur se veprimet lidhur me këtë rast do të vazhdojnë në koordinim me organet e drejtësisë dhe në përputhje me procedurat ligjore në fuqi.

Komunikata e plotë: 

Drejtoria Rajonale e Policisё nё Pejё, Stacioni Policor Pejё, me datën 16.07.2025, rreth orёs 10:30, ёshtё njoftuar se në fshatin Qyshk-Pejё, ka të shtëna me armë zjarri.

Njёsitet relevante tё Stacionit Policor nё Pejё kanë shkuar nё atё lokacion dhe gjatë bisedës me viktimën, sipas tij, dy persona tё dyshuar janё parkuar në objektin e viktimёs dhe pas njё mosmarrёveshje njёri nga tё dyshuarit ёshtё larguar nga objekti dhe pas pak ёshtё kthyer duke shtёnё disa herё ajёr me armё dhe ёshtё larguar nё drejtim tё panjohur.

Në vendngjarje janë sekuestruar: dhjetё (10) gёzhoja, ku gjithashtu ёshtё bastisur shtёpia e personit tё dyshuar dhe aty ёshtё gjetur dhe është sekuestruar njё OC-sprej.

Njёri nga tё dyshuarit ёshtё arrestuar dhe pas intervistimit me urdhёr tё prokurorit tё Shtetit ёshtё liruar në procedurё tё rregullt.

Pas njё pune intensive tё hetuesve tё Stacionit Policor nё Pejё, me datёn 17.07.2025, rreth orёs 19:30, ёshtё identifikuar lokacioni i tё dyshuarit tё dytё dhe i njëjti ёshtё arrestuar, kurse tek i dyshuari janё gjetur dhe janë sekuestruar: njё (1) armё AK47 dhe njё karikator i tё njёjtёs armё.

I dyshuari pas intervistimit nga hetuesit, me vendim tё prokurorit tё Shtetit, ndalohet pёr 48 orë./lajmi.net/