Rihanna u shfaq e bukur me dy djemtë e saj, RZA dhe Riot, në premierën e filmit “Smurfs” të dielën në Los Angeles. Këngëtarja 37-vjeçare, e cila është shtatzënë me fëmijën e tretë me partnerin A$AP Rocky, debutoi në tapetin e kuq së bashku me djemtë e saj para lançimit të filmit më 18 korrik, sipas Daily Mail.

Kjo ngjarje erdhi pak ditë pas funeralit të babait të saj, Ronald Fenty, i cili vdiq më 30 maj pas një beteje me kancer pankreatik. Rihanna shkoi në Barbados për funeralin dhe u mbështet nga Rocky dhe fëmijët, transmeton KosovaPress.

Në premierë, Rihanna veshi një fustan kafe të ngushtë që nxirrte në pah barkun në rritje, të kombinuar me një xhaketë të zezë prej lëkure dhe syze dielli. Ajo luajti rolin e Smurfettes në filmin e animuar dhe zgjodhi aksesorë minimalë.

Gjatë një interviste në premierë, ajo tregoi se djemtë ishin të lumtur për ardhjen e fëmijës së tretë, por mbajti sekret nëse do të jetë vajzë. Rihanna tha se gjithmonë ka dashur një vajzë dhe se emri i fëmijës do të fillojë përsëri me “R”, traditë në familjen e saj.

Megjithë marrëdhënien e vështirë me babain, burime thanë se Rihanna është thellësisht e pikëlluar nga vdekja e tij dhe ka arritur falje. Ajo po kalon një periudhë emocionale të ndërlikuar, duke qenë shtatzënë dhe duke u përballur me sfidat ligjore të A$AP Rocky.

Në premierë ishin edhe yje të tjerë si Hannah Waddingham, John Goodman, Billie Lourd dhe Nick Offerman, të cilët u shfaqën me veshje elegante dhe pozuan me personazhet e filmit.

Rihanna gjithashtu kontribuoi në soundtrack-un e filmit me këngën “Friend Of Mine”, e publikuar në maj.