Në një ndeshje dramatike dhe të tejngarkuar me tension, PSG arriti të kualifikohej në gjysmëfinale të Kupës së Botës për Klube, duke mposhtur Bayern Münchenin me shifrat 2:0.

Desire Doue hapi rezultatin në minutën e 78-të, duke i dhënë avantazh PSG-së me kohë për t’ia mbajtur përgjigjen bavarezëve, transmeton lajmi.net

Në minutën e 97-të, pak sekonda para përfundimit, Ousmane Dembélé vulosi fitoren e ekipit francez.

Por këtë fitore nuk e arritën pa tension, PSG u ndëshkua me dy kartonë të kuq gjatë pjesës së dytë.

Willian Pacho u përjashtua në minutën e 83-të, pastaj Lucas Hernandez e ndoqi atë në minutën e 92-të.

Nga ana tjetër, Bayern-u u godit rëndë edhe me lëndime të rëndësishme: Stanisic dhe Jamal Musiala pësuan dëmtime gjatë ndeshjes, duke dobësuar dukshëm formacionin bavarez.

Pas eliminimit të Bayern-it, PSG tani pret me padurim sfidën e gjysmëfinales, ku do të përballet me fituesin e përballjes mes Real Madrid dhe Borussia Dortmund./lajmi.net/