Gjykata Themelore në Prishtinë ka shpallur aktgjykimin ndaj të akuzuarit Murat Dernjani, duke e dënuar me 20 vjet burgim për veprën penale të krimeve kundër njerëzimit.

Në vendimin e gjykatës thuhet se koha e kaluar në paraburgim do t’i llogaritet në dënimin përfundimtar, transmeton lajmi.net.

Për shkak të ndjeshmërisë së lartë të çështjes dhe për mbrojtjen e të dëmtuarve, seancat janë mbajtur me dyer të mbyllura për publikun.

Gjykata ka vlerësuar se dëshmitë e paraqitura nga të dëmtuarit dhe dëshmitarët, përfshirë edhe ato të lexuara gjatë shqyrtimit gjyqësor, kanë qenë konsistente dhe të ndërlidhura me njëra-tjetrën, gjë që ka ndikuar në vendimin për dënimin e të akuzuarit, raporton Betimi për Drejtësi./lajmi.net/