Serbët do të shënojnë sot festën e Vidovdanit, e cila do të kremtohet në Gazimestan, në periferi të Prishtinës.

Policia e Kosovës thotë se ka marrë masat e nevojshme për menaxhimin e situatës së sigurisë dhe mbarëvajtjen e aktiviteteve gjatë manifestimeve për ‘Vidovdan”.

Nga pamjet që ka siguruar Lajmi.net nga vendi i ngjarjes, shihet se një numër i madh i forcave të Policisë së Kosovës po kujdesen për rendin dhe qetësinë në atë pjesë, ku pritet të ketë edhe provokime nga ana e serbëve.

Gjatë hyrjes për në festen e Vidovdanit një i ri serb tentoi ta provokojë policin e Kosovës me disa lëvizje, por gjithçka kaloi qetë me kontrollë të plotë nga Policia e Kosovës.

Policia ka apeluar tek të gjithë pjesëmarrësit që të manifestojnë të qetë e të shmangin provokimet./Lajmi.net/