Florent Latifaj, avokati i zëvendëskryeministrit në detyrë Besnik Bislimit, është deklaruar shkurtimisht për mediat pas intervistimit të këtij të fundit në Prokurorinë Speciale të Kosovës.

“Mirë shkoj intervistimi”, deklaroi shkurtimisht avokati.

Vetë i intervistuari, Besnik Bislimi nuk e tha asnjë fjalë as para intervistimit dhe as pas saj.

Bislimi është intervistuar si dëshmitar për rastin e hetimeve mbi dyshimet për dhënien me qira të fabrikës për mbetje shtazore nga Ministria e Bujqësisë, Pylltarisë dhe Zhvillimit Rural.