Avokati Arianit Koci ka vazhduar protestën para Kuvendit të Kosovës duke kërkuar konstituim sa më të shpejtë të Kuvendit.

Ai derisa po fliste para mediave deputeti i LDK-së, Armend Zemaj, kërkoi nga ai që sa më parë të konstituohet Kuvendi e më pas të flasin para mediave.

Kjo nxiti reagimin e ashpër të Zemajt.

“Mos më pengo të lutem i ke punët e tua. A po të pengoj unë ty në punët e tua? Nuk je ti ai që më tregon mua a me fol. Hera e parë dhe e fundit ti mua që më pengon. Çka bënë me tjerët është punë e jotja me mua kurrë”, i tha Zemaj Kocit.

Pas këtij diskutimi mes tyre, Zemaj përfundoi deklarimin për media derisa bisedoi shkurt edhe me një qytetar i cili me një pankartë në duar po kërkon që Saranda Bogujevci të propozohet dhe të votohet për kryeparlamentare./Lajmi.net/