Ai është gjithashtu ambasador i vullnetit të mirë i UNICEF-it. Pas incidentit, u konfirmua se ai është larguar nga Shtetet e Bashkuara, megjithëse ai nuk reagoi menjëherë publikisht lidhur me ndalimin – duke qëndruar i heshtur deri të shtunën pasdite.

Lame u bë i famshëm në mbarë botën për videot e tij të heshtura dhe komike në TikTok, ku tallet me videot “life hack” të komplikuara duke i thjeshtuar në mënyrë ironike, me një gjest të tij të njohur – duart e hapura dhe një shprehje fytyre e qartë dhe mosbesuese. Kjo formulë e bëri atë një fenomen ndërkombëtar.

Ai nisi të krijonte këtë përmbajtje në vitin 2020, gjatë pandemisë, pasi humbi punën si mekanik në një fabrikë në Chivasso, pranë Torinos, ku jetonte me familjen.

Që atëherë, fama e tij është rritur me shpejtësi, duke i sjellë rreth 16.5 milionë dollarë (afërsisht 15.2 milionë euro) përmes kontratave me marka të mëdha vetëm midis qershorit 2022 dhe shtatorit 2023, sipas Forbes.

Pavarësisht incidentit të fundit me autoritetet e imigracionit, Lame mbetet një nga figurat më me ndikim në botën e mediave sociale.