Zyrtarët doganorë në Pikën Kufitare Vermicë kanë ndaluar një automjet me targa të Shqipërisë, ku gjatë kontrollit të detajuar është zbuluar një sasi e konsiderueshme e fillerëve të padeklaruar, të vendosur në pjesën e pasme të sediljeve të automjetit.

Gjatë procedurës, personi i ndaluar nuk ka ofruar asnjë dokumentacion të vlefshëm që vërteton origjinën, pronësinë apo lejen për importimin e këtyre produkteve, të cilat sipas rregullativës në fuqi kërkojnë licencë të veçantë për hyrje në territorin e Republikës së Kosovës.

Mallrat e ndaluara përbëhen nga:

45 copë FILLERA KARISMA RH COLLAGEN 2ML – origjinë italiane

7 copë FILLERA CROMA REVITALIS 1ML – origjinë austriake

5 copë PREIME PURE BRIGHT 3ML

1 set me 3 produkte:

BIOACTIVE CREAM 50ML

NATURAL KERNELS SCRUB SYSTEM 50ML

BIOACTIVE ANTI AGE SERUM 30ML – origjinë italiane

Bazuar në këto fakte, drejtuesi i automjetit ka kryer kundërvajtje doganore sipas dispozitave të Kodit Doganor dhe të Akcizës, ndërsa mallrat me vlerë rreth 5,500 euro jane sekuestruar.