Sot po zhvillohet dita e dytë e grevës së punëtorëve të ndërmarrjes “Pastrimi” para komunës së Prishtinës.

Sot punëtorët me kamionët e tyre kanë bllokuar një pjesë të rrugës para objektit të komunës, shkruan lajmi.net

“900 familje po i leni pa bukën e gojës”, “Paratë e rrogave dhe naftës, duam të punojmë”, “Po i kërkojmë paratë e rrogave tona, ne mbajmë familje”, “Na jepni paratë për bërllogun që kemi hequr” ishin disa prej pankartave që punëtoret kishin vendosur në kamionë.

Derisa ata po vazhdojnë grevë, Policia e Kosovës veçse u ka shpërndarë gjoba për bllokimin e njërës pjesë të rrugës tek “Qafa” në Prishtinë.

Punëtorët e kompanisë “Pastrimi” janë duke grevuar nga dje, derisa protesta kanë mbajtur edhe më herët.

Sipas këtyre të fundit, Komuna e Prishtinës ua ka borxh 2.7 milionë euro, nuk kanë paga të mira, s’kanë as derivate për kamionë e as kushtet bazë të punës./Lajmi.net/