Dy sportistët që po shihni në fotografinë kryesore të këtij artikulli kanë arritur një sukses të jashtëzakonshëm në botërorin e Kick Boxit që u mbajt së fundmi në Turqi.

Nart Mehmeti e Artor Mehmeti, të dy sportistë kick-boxi nga klubi “Fight Club Arbër”, kanë fituar medale të bronztë dhe të argjendtë në këtë kampionat, shkruan lajmi.net.

Ky triumf i dyshes së jashtëzakonshme të “Fight Club Arbër” është një arritje historike për Kosovën, kur dihet fakti i peripecive të shumta të sportistëve kosovarë në arenën ndërkombëtare.

Narti e Artori ngritën lartë flamurin e Kosovës në piedestale dhe bazuar në moshën e re të tyre, duket që kjo është vetëm pikënisje e një rrugëtimi të jashtëzakonshëm, i cili së shpejti duket se do përmbyllet edhe me vendin e parë. /Lajmi.net/