Deputetët e Kuvendit të Kosovës do të mblidhen sërish nesër.

Deputetët e betuar të një Kuvendi ende të pakonstiuar do të mblidhen nesër për të 17-ën herë me radhë në përpjekje për të arritur konstituimin e kuvendit.

Kuvendi i Kosovës ka njoftuar edhe zyrtarisht për seancën e nesërme, që është vazhdim i një seancë të nisur një muaj më parë për të arritur tek konstituimi.

Seanca e nesërme nis në ora 10:30 dhe pritet që epilogu të jetë i njëjtë.

Deklarimet e deputetëve të cilat bëhen para hyrjes në sallë, e më pas seanca pak minutëshe pritet të jetë njësoj edhe nesër.

Nga Lëvizja Vetëvendosje që nga seanca e nëntë me radhë kur Albulena Haxhiu nuk arriti të marrë mbi 57 vota për disa herë radhazi- kanë tentuar që të arrijnë të formojnë një komision për votim të fshehtë.

Por edhe ky tentim dështon për disa herë radhazi.

Si shkak i kësaj, në Kosovë vazhdon të ketë ngërç politik e institucional.

Pavarësisht këtij ngërçi, duket se të parit të Lëvizjes Vetëvendosje nuk po i ngutet që të formojë institucionet.

Madje në takimin e djeshëm më presidenten Vjosa Osmani, Abdixhiku tha se Kurti i kishte thënë se s’ka asgjë për t’u ngutur./Lajmi.net/