Deputetja Emilja Rexhepi, pak orë para takimit të thirrur nga presidentja Vjosa Osmani më 15 maj, ka theksuar se është duke pritur se çfarë do të propozoj e para e shtetit.

“Le të shohim fillimisht se çfarë do të na propozojë presidentja” tha Rexhepi për frontonline.

Ajo shtoi se të gjitha partitë duhet të bashkëpunojnë për të çuar përpara procesin e konstituimit të institucioneve.

“Të gjithë së bashku duhet të konstituojmë Parlamentin, t’i votojmë nënkryetarët dhe t’i hapim rrugën Kurtit për të formuar qeverinë,” u shpreh ajo.

Rexhepi theksoi se nëse nuk ka vullnet për marrëveshje, atëherë qytetarët duhet të vendosin sërish përmes zgjedhjeve.

“Nëse jo, më mirë të shkojmë në zgjedhje,” përfundoi ajo.