Një aksident trafiku ka ndodhur sot pasdite në rrugën Varosh- Gerlicë të Ferizajit.

Lidhur me këtë aksident kanë dhënë detaje nga Policia e Kosovës.

Kanun Veseli – zëdhënës i PK-së për Rajonin e Ferizajit tha se në këtë aksident trafiku dy persona kanë pësuar lëndime

‘’Ju njoftojmë se rreth orës 15:40 ka ndodhur një aksident trafiku në mes të  dy veturave me targa vendore në rrugën  Varosh – Gerlicë të Ferizajt. Përveç dëmeve materiale, lëndime trupore kanë pësuar dy persona meshkuj, të cilët për ndihmë mjekësore  janë dërguar në Qendrën Emergjente në Ferizaj’’, u shpreh ai.

Në vend të ngjarje kanë dalë Njësia e Hetimeve të Aksidenteve, ka shtuar më tutje Veseli.