Nënkryetarja e PDK-së, Vlora Çitaku ka deklaruar se nga PDK do të marrin pjesë në takimin për diskutime të thirrur nga kryesuesi i seancës së Kuvendit të Kosovës, Avni Dehari.

Ajo tha se kanë marrë pjesë dhe se do të shkojnë.

Çitaku deklaroi se beson se qytetarët po presin zhbllokimin e gjendjes së krijuar tashmë.

“Kemi marrë ftesën para pak minutave natyrisht se do të shkojmë, po besojmë se qytetarët e Kosovës presin zhbllokimin e gjendjes së krijuar në Kuvendin e Kosovës si pasojë e paaftësisë së Vetëvendosjes për të krijuar shumicën”.

Çitaku theksoi se shqetësim më i madh i qytetarëve janë çmimet e ngritura.

“Si pasojë e pamundësisë së Vetëvendosjes për të krijuar shumicën fatkeqësisht këto janë shqetësime vetëm tona e shqetësimet e qytetarëve janë çmimet e larta të energjisë elektrike”./Lajmi.net/