Deputetët e Kuvendit të Kosovës tashmë kanë filluar të hyjnë brenda objektit të Kuvendit të Kosovës.

Derisa deputetët po mblidhen në kuadër të takimeve me partitë e tyre politike brenda Kuvendit, tashmë është konfirmuar se Vetëvendosje do të propozojë sërish kandidaten e njëjtë- Albulena Haxhiun.

Kjo është konfirmuar nga shumë prej deputetëve të Vetëvendosjes të cilët kanë hyrë brenda Kuvendit.

Faton Peci, Artan Abrashi, Arbër Rexhaj e shumë të tjerë veçse kanë konfirmuar se Vetëvendosje do të propozojë sërish emrin e Albulena Haxhiut për kryekuvendare.

Kësisoj pasi dy herë dështoi të zgjidhet si kryeparlamentare me vetëm 57 vota, mbetet të shihet nëse ish deputetja, më pas ministrja e Drejtësisë e tani sërish deputete e betuar Albulena Haxhiu do t’i sigurojë votat e mjaftueshme./Lajmi.net/