Papa Françesku ka vdekur sot në moshën 88-vjeçare.

Presidentja e Kosovës Vjosa Osmani, ka reaguar për vdekjen e Papa Françeskut.

Osmani thotë se populli i Kosovës i bashkohet miliona njerëzve në mbarë botën në dhembshurinë për ndarjen nga jeta e kreut të Vatikanit.

“Papa Françeskut – një zë i dhembshurisë, përulësisë dhe drejtësisë në kohën tonë. Ne qëndrojmë me të gjithë ata që përcjellin mesazhin e tij të qëndrueshëm të shpresës, paqes dhe dinjitetit njerëzor”, deklaroi Osmani.

Papa, i cili ishte peshkop i Romës dhe kreu i Kishës Katolike, u bë papë në vitin 2013 pasi paraardhësi i tij Benedikti XVI dha dorëheqjen./Lajmi.net/