Qeveria e Kosovës ka mbajtur sot mbledhjen e Qeverisë.

Pas saj, ministri i Mbrojtjes Ejup Maqedonci dhe ai i Administrimit të Pushtetit Lokal, Elbert Krasniqi kanë mbajtur konferencë për media.

Maqedonci, ka folur edhe për ndërtimin e fabrikës së municionit, shkruan lajmi.net.

Ai ka thënë se opsioni më i mundshëm është që fabrika e municionit të ndërtohet në pjesën perëndimore të Kosovës.

“Për fabrikën e municionit ne po vazhdojmë që të vlerësojmë pozicionimin e kësaj fabrike. Normalisht që për ne është e rëndësishme që të ndërtohet në një vend të sigurt, jashtë rrezes së veprimit të rrezikut që mund të vijë për këtë fabrikë dhe më e mundshmja është që do të ndërtohet në pjesën perëndimore të vendit tonë”, tha Maqedonci. /Lajmi.net/