Zëvendës-sekretarja e Përgjithshme e NATO-s, që qëndroi bashkë me shefin e saj Mark Rutte, në Prishtinë, u shpreh se përkushtimi i Aleancës Veriatlantike për rajonin e Ballkanit Perëndimor mbetet i fortë.

Radmila Shekerinska, përmes një postimi në platformën X, tha se NATO-ja e ka mbështetur paqen dhe stabilitetin në rajon për 30 vjet.

“Kënaqësi të takoj personelin e misionit tonë KFOR. NATO ka mbështetur paqen dhe stabilitetin në rajon për 30 vite. Dhe përkushtimi ynë mbetet i fuqishëm. “Rajon i Ballkanit Perëndimor i sigurt do të thotë më shumë siguri përgjatë tërë zonës Euro-Atlantike”, potencoi Shekerinska.

Shefi i saj, Mark Rutte, në një bashkëbisedim me gazetarë në Prishtinë, ku mori pjesë edhe Klan Kosova, tha se SHBA-ja nuk do të largohet as nga NATO-ja e as nga KFOR-i.

A pleasure to meet personnel of our @NATO_KFOR mission. #NATO has supported peace and stability in the region for 30 years. And our commitment remains strong. A secure Western Balkans region means more security across the whole Euro-Atlantic area. pic.twitter.com/RHkLNkDiHv

— Radmila Shekerinska (@DepSecGenNATO) March 11, 2025