Sekretari i Përgjithshëm i Organizatës së Traktatit të Atlantikut Verior (NATO), Mark Rutte, sot do të qëndroj për vizitë në Kosovë.

Rutte gjatë qëndrimit në Kosovë do të takohet me presidenten e shtetit, Vjosa Osmani dhe me kryeministrin e Kosovës, Albin Kurti.

Presidenca ka bërë me dije se se takimi ndërmjet Osmanit dhe Rutte do të zhvillohet në ora 13:45.

“Presidentja e Kosovës, Vjosa Osmani, pret në takim Sekretarin e Përgjithshëm të NATO-s, Mark Rutte. Mediat do të mund të marrin pamje nga pritja dhe fillimi i takimit, ndërsa pas takimit Osmani dhe Rutte do të mbajnë konferencë për media”, thuhet në njoftimin e presidencës.

Derisa kryeministri Albin Kurti do të presë në takim Rutte në ora 14:50.

Gjatë ditës së djeshme Rutte ka qëndruar në Bosnjë dhe Hercegovinë.

Ai është takuar me zyrtarë të nivelit të lartë nga Bosnja dhe Hercegovina.