Sami Halimi punëtor i hekurudhave në “Trainkos” prej vitit 1992, është pushuar nga puna të premten e 28 shkurtit përmes një mesazhi nga kjo kompani.

Për këtë veprim Halimi ka paralajmëruar se do të ndjek rrugët ligjore, për çka thotë se i është bërë një e padrejtë.

“Më thanë tu ka ndalu hyrja nuk mundesh me hy atje, mu ka shkel e drejta pas 42 vite, me siguri krejt këto shkojnë në mënyrë ligjore me avokat”, ka thënë Halimi.

Tutje ai ka thënë se ka pesë kontrata të cilat i kishte me afat të pacaktuar por me ardhjen e bordit të ri, kontrata iu bë për tre vite madje ju ndryshua edhe vendi i punës.

“Unë i kum pas pesë kontrata me afat të pa caktuar me ardhjen tash të këtij bordi më është ofruar kontrata 3 vjeçare kjo që e ban shkeljen  e parë shkelja e dytë më është ndrru veni i punës unë kam qenë gjithmonë punëtor i sigurimit në tren dmth që 24 vjet prej krejt ksaj mkanë qit punëtor të aseteve”, ka thënë ai.

Ndërkaq ai shprehet se i janë shkelur të drejtat pasi tash e sa vite nuk ka marrë asnjë vërejtje për punën e tij. /Lajmi.net/

Për më shumë ndiqni videon e plotë: