Në Qendrën e Numërimit është duke vazhduar numërimi  i votave nga diaspora, tani të atyre me postë.

Por ajo çfarë është tejet e çuditshme është fakti se gjatë numërimit janë gjetur fletëvotime të vitit 2021, e tani edhe një i viti 2017.

Kjo madje mund të vërehet edhe në numrin që mbajnë subjektet politike.

Më i dallueshëm është numri 16 i Lidhjes Demokratike të Kosovës, që nuk përkon me numrin që mbante në zgjedhjet e 9 shkurtit.

Duhet theksuar se numërimi i votave pas zgjedhjeve të 9 shkurtit këtë herë pati shumë probleme.

Duke nisur nga problemet që u shfaqën si fillim me ueb-faqen dhe paraqitjen e rezultateve jo të sakta, e më pas rënien e serverit gjatë tërë kohës, më pas me raportimet për keqpërdorime të votave nga diaspora e tanimë edhe në numërim- ku vërehen qartë fletëvotimet e viteve të shkuara.

Deri më tani votat me postë janë numëruara në 66.31%, ku Vetëvendosje ka 52.72%, LDK ka 29.80%, PDK 7.98% dhe AAK-Nisma 3.32%./Lajmi.net/