Ka ndërruar jetë diplomati amerikan, Frank G. Wisner, i cili punoi në katër vende dhe ishte emisari i Shteteve të Bashkuara të Amerikës në bisedimet për statusin e Kosovës.

Wisner vdiq sot në Mill Neck të New-York. Wisner ishte 86 vjeçar ndërsa shkak i vdekjes ishin ndërlikimet nga kanceri i mushkërive, tha djali i tij David Wisner.

Siç raporton Washington Post, djali i një spiuni të dekoruar që ndihmoi në themelimin e CIA-s, Wisner u bë zyrtar i Departamentit të Shtetit në vitin 1961 dhe punoi gjatë Luftës së Vietnamit, duke iu bashkuar një rrethi diplomatik që u rrit në detyrë duke përfshirë miqtë e tij Richard Holbrooke, i cili ndihmoi në negocimin për t’i dhënë fund luftës në Bosnje, dhe Leslie Gelb, e cila u bë gazetare dhe kryesoi Komitetin për Punë të Jashtme.

Ndryshe nga ata, Wisner ishte rrallë në qendër të vëmendjes.

Për disa orë në janarin e vitit 1993, ditën e inaugurimit të parë të Klintonit, ai shërbeu si ushtrues detyre i Sekretarit të Shtetit.

Disa vite më vonë, pasi shërbeu në Indi dhe në Egjipt, Administrata e Xhorxh W. Bush kërkoi ndihmën e Wisnerit për të negociuar statusin e Kosovës si shtet sovran, një përpjekje që rezultoi e suksesshme – edhe pse zoti Wisner u ankua që Serbia, ende refuzonte të njihte pavarësinë e Kosovës.