Milan Radoiçiq, apo njohur ndryshe në Kosovë si kryekrimineli i veriut i cili mori përgjegjësinë edhe për sulmin terrorist në Banjskë të ndodhur në shtator të vitit 2023 duket se pasurinë tashmë po e transferon diku tjetër.

Radoiçiq bëhet e ditur se së fundi ia transferoi gruas së tij Ema-s të gjithë pronën në Dedinje, të cilën e bleu pasi që u arratis nga Kosova.

Si rrjedhojë, ai thuhet se nuk ka më asgjë në emër të tij- të paktën jo në Serbinë qëndrore.

Më parë, vetëm tri ditë pasi pranoi se ishte personalisht përgjegjës për ngjarjet në Banjskë, në shtator të vitit 2023, Radoiçiq transferoi aksionet e tij të pronësisë në të paktën katër kompani, pa asnjë dinar kompensim, partnerëve të tij të vjetër nga veriu i Kosovës, si Zvonko Veselinoviq dhe vëllait të tij, Zarko.

Sipas Nova.rs, ai ndërpreu bashkëpunimin edhe me një biznesmen tjetër të afërt me SNS-në, Davor Marcura, kompania e të cilit Danica Park duhet të ndërtonte një vilë për çiftin Radoiciq.
Të paarritshëm për të është një kompleks luksoz në liqenin e Gazivodës, me vlerë dy milionë euro, restoranti Grey, një pentouse dhe një apartament në Mitrovicën e Veriut, të cilat u konfiskuan nga autoritetet e Kosovës, transmeton lajmi.net.

Radoiciq është një hallkë në projekte të mëdha, pjesë e një rrjeti njerëzish dhe kompanish të lidhura dhe është vështirë të dallosh se cilën sferë interesi kontrollon ai dhe cilën Zvonko Veselinoviq. Ata funksionojnë nën një sistem gjykatash të ndërlidhura dhe e përbashkëta e tyre është një shef ekzekutivi, një thesar dhe frika nga burimi”.

Një burim i mirëinformuar ka deklaruar për “Radar” se publiku nuk mund ta përfytyrojë ende përmasën e pasurisë së Radoiçiqit, vlerën e transaksioneve dhe bizneseve në të cilat ai shfaqet formalisht ose joformalisht, por që i kontrollon në mënyrë thelbësore. Ai mbetet ende një hallkë e pazëvendësueshme dhe pjesë e një rrjeti të dendur e të ndërlidhur njerëzish dhe kompanish.
Shoqërtia e lart nga Dedinja, fqinjët e parë Zvonko Veselinoviq dhe Nikolla Petroviq.

Publiku serb ka dëgjuar shumë për Radojiciqin para konfliktit të armatosur në Banjskë. Ai ishte në gjyq për rrëmbimin e një biznesmeni maqedonas, i dyshuar për përfshirje në vrasjen e Oliver Ivanoviq, trafikim droge dhe krim të organizuar, dhe ishte gjithashtu në bankën e të akuzuarve për minierat e paligjshme të zhavorit.

Por , ai disi ia doli t’i shmanget dënimit me burg dhe mbetet për t’u parë se si do ët përfundojë rasti “Banjska” për të cilin ai mori përgjegjësinë dhe që në çdo shtet duhet të përfundojë me një dënim të të gjatë me burg.

Autoritetet gjyqësore serbe, duket se po bëjnë gjithçka që të mos gjykohet, edhe pse hetimi zyrtarisht ka 16 muaj e gjysmë, duke qenë se Radoiçiq për këtë ishte paraburgosur për herë të parë më 10 tetor 2023.

Luksi që ka pasur Radoiçiq dhe ku ka jetuar, publiku e ka mësuar pas sulmit terrorist në Banjskë. Policia e Kosovës publikoi atëherë pamje të vilës së tij madhështore në bregun e liqenit të Ujmanit, e cila, sipas vlerësimeve të zyrtarëve nga Kosova, kishte një vlerë rreth dy milionë euro. Bëhet fjalë për një ndërtesë luksoze, me shumë dhoma, mobilie të shtrenjta, një dhomë për bilardo… Po ashtu, vila dhe restoranti “Gray” në Mitrovicën e Veriut, me vlerë rreth 400 mijë euro, si dhe një apartament i vlerësuar në 69.920 euro, ishin në emër të gruas së tij, Emës.

Pasi u lëshua urdhër arresti për të dhe u shpall një fletë-arrest ndërkombëtar nga Interpoli, në kuadër të hetimeve për sulmin në fshatin Banjskë, ku ai ishte identifikuar si organizator i grupit, në prill të vitit të kaluar, kjo pasuri u konfiskua nga Policia e Kosovës me urdhër të departamentit të posaçëm të Gjykatës Themelore në Prishtinë.

Sipas këtij mediumi, më vonë u njoftua se ky objekt luksoz do të shndërrohej në një stacion policor me anije. Megjithatë, sipas atyre që kemi mundur të dëgjojmë, ky nuk ishte fundi i pasurisë së Radoiçiqit. Ministrja e Drejtësisë e Kosovës, Albulena Haxhiu, përmendi konfiskimin e një “penthouse”, vlera e të cilit vlerësohet në 644.400 euro, si dhe dy SUV mercedes AMG G63, Mitsubishi Pajero Sport dhe gjithashtu 18 automjete të tjera Mitsubishi Pajero, dy automjete blinduara, dy Toyota Hilux, Opel Vectra, Dacia Duster, Jeep Grand Cherokee… Pjesa më e madhe e këtyre automjeteve ishte kryesisht pa tabela regjistrimi në fuqi.

Sipas raporteve të mediave, pasuritë e paluajtshme në Kosovë që lidhen me Radoiçiqin vlerësohen të kalojnë tre milionë euro, ndërsa vlera e automjeteve është rreth 330 mijë euro.

Edhe pse në emër të Milani Radoiçiqit në Serbinë qendrore nuk figuron asnjë pronë, kështu që formalisht ai nuk është pronar i asnjë kompanie apo pasurie, avokati Ivan Niniq thotë se “publiku nuk mund të ketë as një ide për përmasat e pasurisë që posedon Radoiçiq, vlerën e transaksioneve dhe bizneset në të cilat ai shfaqet formalisht apo joformalisht”.

“Ai nuk është një ishull i shkretë në ekonominë e Serbisë, por është vetëm një hallkë në projektet e mëdha infrastrukturore dhe pjesë e gjithë rrjetit të lidhur të njerëzve dhe kompanive. Pas ngjarjeve në Banjskë, është e vështirë të përcaktohet se cilën sferë interesi kontrollon Milani dhe cilën Zvonko Veselinoviq. Ata kanë një rrugë të përbashkët karriere, një “shef të përbashkët”, një arkë të përbashkët dhe frikë të përbashkët – burgun”, përfundon Niniq.

Ai thekson se nuk ka asnjë dyshim se jeta dhe biznesi i Milan Radoiçiqit ndahet në dy periudha – atë para sulmit në Banjskë dhe pas saj. Dhe pikërisht përmes ngjarjeve në Banjskë, sipas Niniqit, duhet të vlerësohen të gjitha ndryshimet e statusit në kompanitë që kanë qenë nën kontrollin e tij dhe çdo ndërrim të pasurisë e regjistruar në emrin e tij.

Është e qartë se Radoiçiqin e mbron vetë kulmi i pushtetit në Serbi, dhe se nuk ka ndryshuar shumë as pas sulmit të Banjskës, tregon dhe takimi i tij me ambasadorin e atëhershëm të Serbisë në SHBA, tani ministër të Punëve të Jashtme, Marko Gjuriqin, me të cilin është fotografuar në një restorant.

Për Gjuriqin, kjo nuk ishte problematike, pasi ai tha se “kurrë nuk është ndjerë i turpëruar nga kontaktet publike që ka në kuadër të punës që bën”. As nuk është kritikuar nga Aleksandar Vuçiq, i cili pas vdekjes së njerëzve në Kosovë, për të cilën mori përgjegjësinë një nga bashkëpunëtorët e tij, tha se Radoiçiq nuk është fshehur kurrë dhe se konsiderohet një luftëtar i lirisë, por se “ka çështje dhe pyetje për të cilat do të duhet të përgjigjet”.

Sa i përket Vuçiqit, duket se kjo çështje është mbyllur. Prandaj, Radoiçiq vazhdon të ecë lirshëm, derisa të gjejë një alternativë. Opsioni për t’u larguar në Rusi, ku ai shpresonte të merrte azil, ka dështuar.

Kështu që pushteti vazhdon t’i japë kohë njeriut që, siç tha Vuçiq, “nuk është lule dhe akademik, por është në mbrojtjen e atdheut”. Dhe gjithçka duket se do të ketë gjithë kohën e botës. Derisa të gjejë rrugën e tij përfundon mediumi serb.