Kylian Mbappé do të rikthehet me skuadrën e Francës për ndeshjet e ardhshme ndërkombëtare në mars.

Këtë e ka konfirmuar tekniku i ‘gjelave’, Didier Deschamps.

“Ai do të jetë pjesë e skuadrës, po”, tha Deschamps për L’Équipé.

Një marrëdhënie e paqartë është zhvilluar mes dyshes muajt e fundit dhe kjo kishte ngritur spekulime nëse kapiteni i Francës do të përfshihej.

Mbappé mungoi në dy nga ndeshjet e “Les Bleus” të Deschamps vitin e kaluar pasi donte të ‘priorizonte’ gjetjen e formës me klubin e tij të ri Real Madrid. Kjo nuk shkoi mirë në shtypin francez pasi sulmuesi 25-vjeçar u fotografua duke festuar në Suedi, ndërsa Franca ishte në aksion ndërkombëtar.

I pyetur nëse kapiteni i tij do të luajë në skuadrën e tij të fundit, Deschamps tha:

“Sigurisht që ai do të jetë atje. Pse nuk do të ishte atje?”, u shpreh ai.

Më pas ai u mor në pyetje për përjashtimin e ish-sulmuesit të PSG-së nga dy skuadrat e tij të fundit, për të cilën ai u përgjigj: “Po, për arsye shumë specifike. Por ai do të jetë aty, nëse asgjë nuk i ndodh nga tani dhe atëherë. Ai është shumë i lidhur me skuadrën franceze, edhe pse ka pasur një periudhë të komplikuar personale. Ai ka gjetur të gjitha mjetet e tij dhe, në mënyrë të pashmangshme, kjo duket në lojën e tij, por edhe në kokën e tij.”