UEFA po e shqyrton mundësinë e heqjes së vazhdimeve në ndeshjet me eliminim direkt të Ligës së Kampionëve duke filluar nga viti 2027.

Kjo do të thotë që, nëse një ndeshje përfundon në barazim pas 90 minutave, ajo mund të shkojë direkt në penallti pa luajtur 30 minutat e zakonshme të dy vazhdimeve me nga 15 minuta.

Pse mund të ndodhë kjo?

UEFA mendon se koha shtesë shpesh nuk është shumë efektive, pasi ekipet luajnë më të kujdesshme dhe ndonjëherë synojnë vetëm penalltitë.

Lojtarët janë të lodhur pas 90 minutash, dhe 30 minuta shtesë rrisin rrezikun e lëndimeve.

Një ndryshim i tillë mund ta bëjë garën më emocionuese dhe të rrisë intensitetin e lojës.