Drejtori sportiv i Olympique Marseille, Mehdi Benatia, ka konfirmuar interesimin e klubit për Paul Pogba.

Mesfushori francez ndërpreu kontratën e tij me Juventusin nëntorin e kaluar dhe do të rikthehet në lojë muajin e ardhshëm pas vuajtjes së dënimit për doping.

“Ai është një lojtar, një djalë që presidenti Longoria dhe unë e admirojmë”, tha ish-mbrojtësi.“Ne menduam për të, donim të forcoheshim me të, por a kishte kuptim të sillnim Pogba, i cili nuk është ende në formë? Rreziku ishte të prishnim ekuilibrin e skuadrës me një lojtar që nuk do të ishte në formën e tij më të mirë deri në fund të sezonit. Megjithatë, nëse na jepet mundësia, do të ishim të lumtur që të kishim një lojtar si Pogba që mund të na ndihmojë në sezonin e ardhshëm”, pranoi drejtori i Marseille.