Një autobus me targa nga Kosova është aksidentuar në Kroaci.

Siç raportohet nga mediat kroate, autobusi i kompanisë nga Kosova “Harea Travel”, ka dalë jashtë rrugës në autostradën afër Donja Zajencinës të mërkurën në mbrëmje.

Sipas raportimeve atje, autobusi doli jashtë rrugës pasi shoferi humbi kontrollin e timonit.

Në autobus ishin 26 pasagjerë dhe dy shoferë. Dy prej tyre pësuan lëndime të lehta.

Në lidhje me rastin Policia e Zagrebit ka njoftuar se aksidenti ka ndodhur rreth mesnatës./Lajmi.net/