Si shkak i një aksidenti trafiku të ndodhur në rrugën Gjilan-Prishtinë, saktësisht në hyrje të fshatit Parallovë të lënduar kanë mbetur gjashtë persona.

Kjo është bërë e ditur nga zëdhënësi i policisë për rajonin e Gjilanit, Ismet Hasahni.

Hashani tha se në aksident ishin përfshirë dy vetura.

“Aksidenti ka ndodhur rreth orës 09:00 të mëngjesit mes dy veturave civile. Një person i lënduar pak më rëndë është dërguar në Prishtinë, pjesa tjetër, pasi kanë marrë ndihmë mjekësore, janë liruar në shtëpi”, tha ai.

Hashani shtoi se Policia ka dalë në vendin e ngjarjes dhe po udhëheq hetimet për shkaktarët e aksidentit./Lajmi.net/