Kandidati për deputet në Kuvendin e Kosovës nga radhët e AAK-së, Daut Haradinaj ka bërë homazhe para varrit të ish-presidentit, Ibrahim Rugova.

Në përvjetorin e vdekjes së ish-presidentit Rugova, Haradinaj ka shkruar se kujtimi për Presidentin Rugova është i përjetshëm, transmeton lajmi.net.

“Kur nderon njerëzit që kanë lënë gjurmë në histori, nderon edhe veten. I përjetshëm kujtimi për ty, President Dr. Ibrahim Rugova!”, ka thënë Daut Haradinaj.

Kujtojmë se sot figurat politike në vend po nderojnë veprën dhe jetën e ish-presidentit, Rugova në 19 vjetorin e vdekjes së tij./Lajmi.net/