Koalicioni AAK-NISMA, Lista Konservatore dhe Forumi Intelektual E-30, e kanë hapur sot fushatën zgjedhore duke bërë homazhe në Prekaz.

Kryetari i Nismës Socialdemokrate, Fatmir Limaj, tha se fushatën po e nisin nga Prekazi i komandantit legjendar, Adem Jashari, prej aty ku nisën celulat e para të lirisë.

“Nga Prekazi i Adem Jasharit, nga emblema e lirisë, nga ku nisën celulat e para të lirisë dhe pavarësisë së Kosovës, duke u zotuar për avancimin dhe fuqizimin e vendit tonë”, shkroi Limaj.

Fushata zgjedhore për zgjedhjet parlamentare ka nisur sot dhe do të jetë e hapur deri më 7 shkurt.