Dy persona kanë pësuar lëndime trupore si pasojë e rrokullisjes së veturës gjatë garave “Off Road” në Shtime.

Zëdhënësi i Policisë së Kosovës në Ferizaj, Kanun Veseli ka thënë për lajmi.net se të lënduarit ishin shoferi 35 vjeç dhe pasagjeri 23 vjeç, të dy shtetas të Republikës së Maqedonisë së Veriut.

Sipas Veselit, të dy të lënduarit janë trajtuar në Qendrën e Mjekësisë Familjare në Shtime dhe janë liruar, shkruan lajmi.net.

“Ju njoftojmë se sot rreth orës 13:25 kemi pranuar një informatë se gjatë garës me vetura në garën” Off Road” në Shtime, dy persona ( shoferi 35 vjeç dhe pasagjeri 23 vjeç) meshkuj, shtetas të Republikës së Maqedonisë së Veriut kanë pësuar lëndime të lehta trupore, të cilët janë trajtuar në Qendrën e Mjekësisë Familjare në Shtime dhe janë liruar. Policia e stacionit në Shtime është duke trajtuar rastin”, ka thënë Veseli. /Lajmi.net/