Tri vetura, një kamionetë dhe një rimorkio janë përfshirë nga zjarri në orët e para të mëngjesit të sotëm tek Rruga C në Prishtinë.

Kjo është konfirmuar edhe nga zëdhënësja e policisë për rajonin e Prishtinës, Flora Ahmeti.

Ahmeti njoftoi se përpos dëmeve materiale, nuk raportohet për ndonjë person të lënduar, si shkak i zjarrit, transmeton lajmi.net.

“Sot rreth orës 04:00, kemi pranuar informatën për një incident zjarri në rrugën “Shaqir Igrishta” në Prishtinë, ku janë djegur tri vetura, një kamionetë dhe një rimorkio. Në vendngjarje kanë dalë zjarrfikësit dhe policia të cilët janë marrë me rastin”,tha Ahmeti.

Ajo potencoi se zjarri është lokalizuar dhe nuk është raportuar për persona të lënduar.

“Hetuesit policor në koordinim me prokurorin po kryejnë veprimet e nevojshme hetimore”./Lajmi.net/