Policia e Kosovës ka raportuar se mbrëmë rreth orës 21:00, është raportuar për të shtëna me armë në shtëpinë e të dyshuarit mashkull në Koliq të Prishtinës.

Tutje në njoftimin e Policisë thuhet se me urdhër të prokurorit është bërë bastisja e shtëpisë ku janë gjetur dhe konfiskuar; një armë e tipit Zoraki, një pushkë e gjuetisë, 93 gëzhoja të cal. 9×19, 29 gëzhoja të cal. 7.62 mm , katër gëzhoja të fishekëve me gaz, dy fishekë të pushkës së gjuetisë dhe 12 fishekë me gaz.

Po ashtu i dyshuari është arrestuar dhe me vendim të prokurorit është dërguar në mbajtje.

Derisa një i dyshuar tjetër gjendet në arrati. /Lajmi.net/