Referuar refuzimit të kërkesës së Safet Demirit nga Medvegja për kthimin e adresës nga ana e Gjykatës Kushtetuese ka reaguar kryetarja e Preshevës, Ardita Sinani.

Sinani ka thënë se “Organi më i lartë i drejtësisë në Serbi po legjitimon spastrimin etnik dhe pasivizimin diskrimues të shqiptarëve të Luginës”.

Ajo tha se një vendim si ky antikushtetues i Gjykatës, bëhet me qëllim të dekurajimit të shqiptarëve të Luginës në betejën e tyre për drejtësi e barazi.

“Sadik Demiri është shembulli më i mirë i diskriminimit që po ua bënë shqiptarëve Serbia, e në të njejtën kohë edhe shembull se si nuk duhet të dorëzohemi. Andaj, kur Serbia, nëpërmjet organit të saj më të lartë të drejtësisë po vazhdon avazin e vjetër, shqiptarëve të Luginës u mbetet që drejtësinë ta kërkojnë në institucionet ndërkombëtare të drejtësisë. Nga atje do ta mundim diskriminimin e Serbisë dhe po atje do të vendosim drejtësinë”, ka shkruar Sinani./Lajmi.net