Partia tashmë në pushtet në vend, Lëvizja Vetëvendosje, me rast të zgjedhjeve të ardhshme të përgjithshme që po vijnë ka vendosur t’iu ofrojë “një ndihmë” të vogël mërgimtarëve.

Kjo sepse deri më tani ekziston vetëm një numër i vogël i qytetarëve të regjistruar, e që rrjedhimisht të njëjtët nuk mund të marrin pjesë në votim.

LVV ka publikuar një video në lidhje me zgjedhjet e 9 shkurtit.

Më saktë, përmes videos, partia e kryeministrit Kurti u tregon mërgimtarëve se si të regjistrohen për zgjedhje.

“Të dashur bashkatdhetarë, nëse ende nuk jeni regjistruar për votim jashtë Kosovës, shfrytëzojeni këtë të drejtë që ju takon duke u regjistruar në Komisionin Qendror të Zgjedhjeve. Afati i fundit për regjistrim është 26 dhjetor 2024” – ka shkruar VV-ja./Lajmi.net