Serbia duket se i është gëzuar shumë faktit se Donald Trump arriti të fitojë zgjedhjet në SHBA.

Drejtori i  të ashtuquajturës Zyra për Kosovën, Petar Petkoviq tha se “populli serb e mbështeti me gjithë zemër Trumpin dhe kandidaturën e tij”.

Madje ai thotë se për shkak të kësaj presidencë në Amerikë,  tek serbët ka shpresa të mëdha.

“Populli serb e mbështeti me gjithë zemër Trumpin dhe kandidaturën e tij. Trump kishte mbështetjen më të madhe në mesin e serbëve. Presidenti Vuciq ishte një nga dhjetë liderët e parë që foli me Trump, gjë që flet shumë për reputacionin e Serbisë”, tha ai.

Petkoviq deklaroi se tek serbët në Kosovë është rritur shpresa të cilët presin ndryshime pas ardhjes së Trump në pushtet.

“Populli pret zgjidhje. Ne do të angazhohemi për të bashkëpunuar plotësisht me administratën e re në SHBA”./Lajmi.net/