Qeveria e Kosovës vendosi t’ia japë në shfrytëzim afatgjatë Komunës së Shtimës, disa prona të menaxhuara nga Agjencia Pyjore e Kosovës.

Kryeministri Albin Kurti tha në mbledhjen e Qeverisë se në ato prona Komuna e Shtimes synon ta ndërtojë objektin e ri të komunës dhe disa të tjera.

Ai tha se përfshihet “përfundimi i projektit tregu i gjelbër dhe ndërtimi i objektit të ri të QKMF-së, objekte rekreative sportive, pishinë dhe poligoni për çiklizëm”.

Komuna e Shtimes udhëhiqet nga kryetari Qemajl Aliu i Lëvizjes Vetëvendosje.