Një vet-aksident ka ndodhur sot rreth orës 13:00 në rrugën “Ahmet Krasniqi”, në Prishtinë.

Rastin për lajmi.net e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Ahmeti tha se nga ky aksident është lënduar vozitësja e cila edhe është dërguar për trajtim mjekësor.

“Rreth orës 13:00,  është pranuar informata për një aksident trafiku të ndodhur në rrugën Ahmet Krasniqi në Prishtinë. Në këtë aksident është përfshirë një automjet dhe për pasojë vozitësja është lënduar dhe e njëjta është dërguar për trajtim mjekësor”, ka thënë Ahmeti.

Tutje ajo tha se kanë nisur hetimet lidhur me me rrethanat e këtij vet-aksidenti.

“Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij vetaksidenti”, tha ajo. /Lajmi.net/