Ditën e djeshme u mbajtën zgjedhjet që do ta përcaktojnë se kush do të udhëheqë me Shtetet e Bashkuara të Amerikës në mandatin e ardhshëm.

Nga ajo se çka po raportohet nga atje deri më tani, megjithëse rezultatet nuk janë përmbyllur përfundimisht, Trump po prin me numër votash ndaj kandidates demokrate, Kamala Harris.

E për një rezultat të tillë ka uruar edhe presidentja e Republikës së Kosovës, Vjosa Osmani.

Ajo uroi Trump për zgjedhjet në SHBA përmes një postimi në X.

“Në emër të popullit të Republikës së Kosovës, i shpreh urimet tona të përzemërta Donald Trumpit dhe JD Vance për zgjedhjen e tyre si president dhe zëvendëspresident i Shteteve të Bashkuara. SHBA-ja mbetet partneri i palëkundur dhe aleati i domosdoshëm i Kosovës. Mezi pres të punoj me administratën e re për të thelluar më tej lidhjen tonë unike dhe aleancën strategjike. Zoti e bekoftë Amerikën, liderin e botës së lirë!”, shkroi presidentja./Lajmi.net/