Deputeti i Lëvizjes Vetëvendosje (LVV), Dimal Basha, ka shprehur besimin e tij se Kamala Harris, kandidate për presidente nga Partia Demokratike, do të dalë fituese në zgjedhjet e presidenciale në Shtetet e Bashkuara të Amerikës.

Basha theksoi se, edhe pse zgjedhjet janë të paparashikueshme, ai beson se Harris do të mund të mundë Donald Trumpin, duke fituar bindshëm.

“Mendoj që këto dy shtete e para që dalin, Karolina e Jugut dhe Gjeorgjia, është shumë interesant më i përcjell. Dhe po besoj që në bazë të mungesës që po deklarohen nëpër sondazhe vazhdoj me besu që Kamala Harris do të dal bindshëm fituese”, ka thënë Basha në RTV Dukagjini.

Derisa votimi është në proces, rezultatet fillestare do të fillojnë të dalin gjatë natës.