Një ngjarje e trisht dyshohet të ketë ndodhur mëngjesin e sotëm në një objekt në rrugën “Tirana” në Prishtinë.

Disa persona dyshohet se e kanë dhunuar një vajzë të mitur dhe për rastin tashmë ka nisur hetimet Policia dhe Prokuroria.

Siç raporton Sinjali, viktima është një vajzë e moshës 14-vjeçare, e cila ka rrëfyer në Polici se rasti ka ndodhur mbrëmë pas mesnate në një objekt në ndërtim e sipër.

Sipas raportimeve bëhet fjalë për pesë persona, që dyshohen se kanë abuzuar seksualisht me viktimën e të cilët akoma nuk janë identifikuar të cilët fillimisht e kanë detyruar vajzën të konsumojë substanca narkotike dhe pasi e kanë droguar, dyshohet se e kanë dhunuar.

E mitura është gjetur diku në një rrugë të kryeqytetit në orët e mëngjesit dhe më pas është njoftuar Policia.

Me urdhër të Prokurorit të Shtetit, hetimi tashmë është iniciuar dhe po ndërmerren veprimet e nevojshme për zbardhjen e rrethanave të rastit.

Lajmi.net ka dërguar pyetje në Policinë e Kosovës por ata nuk e kanë konfirmuar ende rastin.