Policia e Kosovës ka njoftuar se gjatë realizimit të detyrave dhe autorizimeve policore në veri të vendit, konkretisht në pjesën malore të një fshati në Leposaviq, kanë hasur në një person të dyshuar.

Tek i njëjti janë gjetur një pushkë gjuetie, uniformë ushtarake dhe municion.

Nën dyshimin e bazuar se personi i dyshuar R.M., (viti i lindjes 1976, mashkull kosovar) posedon edhe armë tjera, është kontrolluar shtëpia e tij.

“Gjatë kontrollit janë gjetur edhe: një armë gjysmë-automatike, një pushkë 8.75mm, një pushkë ajrore, fishekë kalibrash të ndryshëm, disa thika e një xhaketë me pajisje tjera ushtarake”,thuhet në njoftim.

Po ashtu u theksua se për rastin është njoftuar prokurori, me akt-vendim të të cilit i dyshuari është dërguar në mbajtje për 48 orë./Lajmi.net/