Orët e hershme të mëngjesit të ditës së sotme ka ndodhur një shpërthim i fuqishëm në shtëpinë e një zyrtareje policore në Zveçan.

Në shtëpinë e polices nga komuniteti serb dyshohet se është hedhur granatë dhe se akti është kryer me qëllim të frikësimit të së njëjtës.

Sipas shefit të Operativës Rajonale për Mitrovicën e Veriut, Petrit Fejza, në një konfirmim për lajmi.net ka thënë se nga rasti përveç dëmeve materiale nuk ka të lënduar.

“Po është e saktë, sot jemi njoftuar dhe njësitet relevante kanë dalë në vend të ngjarjes dhe kanë kryer ekzaminimet e nevojshme. Nuk ka pas të lënduar”, u shpreh Fejza./Lajmi.net