Raporti i fundit i Bankës Botërore thotë se Kosova është vendi me numrin më të lartë të të papunëve në vendet e rajonit, duke iu referuar matjeve që vetëm 37% e të aftëve për punë aktualisht punojnë.

Nëse kthehemi pakëz mbrapa, jo më shumë se disa javë, një raport i tillë i bie të jetë në kundërshtim me një që e shpërndau partia në pushtet, Lëvizja Vetëvendosje. Sipas raportimit të qeverisë, në Kosovë numri i të papunëve prekte vetëm shifrën 4%, duke u renditur kështu si e para në rajon për kah numri i të punësuarve.

Pas këtij lajmi që e tregon qartazi një dallim mes shifrash, ka reaguar Ministri i Financave, Hekuran Murati.

Murati u shpreh se kjo shifër ka të bëjë me pjesëmarrjen e popullsisë aktive në tregun e punës, pra tregues tjetër prej atij të papunësisë.