Një këmbësor është goditur sot nga një motoçikletë në Prishtinë në rrugën “Bill Klinton”.

Rastin për Lajmi.net, e ka konfirmuar zëdhënësja e Policisë së Kosovës Flora Ahmeti.

Ndërkaq personi i lënduar është dërguar për tretman mjekësor.

“Sot rreth orës 15:30, në rrugën “Bill Klinton” në Prishtinë , ka ndodhur një aksident trafiku, ku është përfshirë një motoçikletë dhe një këmbësor. Si pasojë e aksidentit është lënduar një person (këmbësori). Personi i lënduar është dërguar për tretman mjekësor”, ka thënë Ahmeti.

Tutje Ahmeti tha se rasti po hetohet nga njësiti i trafikut. /Lajmi.net/