Shtetet e Bashkuara të Amerikës kanë mirëpritur vendimin e Qeverisë së Kosovës për ndryshimin e vendimit sa i përket produkteve serbe dhe hyrjes së tyre në Kosovë.

Ambasadori i SHBA-ve në Kosovë, Jeffrey Hovenier, ka deklaruar se është i kënaqur me vendimin e Qeverisë së Kosovës për heqjen e ndalimit për mallrat e gatshme të importuara nga Serbia.

“Ky është një hap i rëndësishëm në drejtimin e duhur të Kosovës në rrugën e saj drejt integrimit evropian”, tha ambasadori Hovenier, transmeton lajmi.net.

Ai theksoi se SHBA-të vlerësojnë partnerët ndërkombëtarë për përpjekjet e tyre të vazhdueshme për të promovuar tregtinë e lirë në rajon.

Ndryshimi i vendimit të Qeverisë së Kosovës tani për tani është i vlefshëm vetëm në pikën kufitare në Merdar./Lajmi.net/

Pleased by the decision of the Government of Kosovo to lift the ban on finished goods imported from Serbia. This is an important step in the right direction for 🇽🇰 on its path towards European integration. We appreciate our international partners for their continued efforts to…

— Ambassador Jeff Hovenier (@USAmbKosovo) October 8, 2024