Një 22 vjeçar ka ndërruar jetë në fshatin Zhilivodë të Vushtrrisë, pasi dyshohet të jetë goditur nga rryma elektrike.

Lajmin për lajmi.net e ka konfirmuar Ilmi Prekazi, zëdhënësi i Policisë së Kosovës për rajonin e Mitrovicës.

Sipas Prekazit, trupi i pajetë është dërguar në IML për obduksion.

“Sot rreth orës 10:00,  policia në Vushtrri është njoftuar se në fshatin Zhilivodë të Vushtrrisë një person i moshës 22 vjeç, ishte goditur nga rryma elektrike në shtëpinë e tij.  Njësitë policore menjëherë kanë shkuar në atë lokacion mirëpo viktima në ndërkohë ishte dërguar nga familjarët në Emergjencën e ShSKUK në Prishtinë për trajtim mjekësor. Rreth orës 11:23, policia ishte njoftuar nga Emergjenca se viktima kishte humbur jetën. Në vendin e ngjarjes kanë dalë njësitë kompetente policore dhe eksperti i rrymës. Janë ndërmarrë veprimet e nevojshme policore dhe është kontaktuar prokurori kujdestar. Rasti është inicuar: Vdekje e dyshuar ndërsa trupi i pajetë është dërguar në Institutin e Mjekësisë Ligjore”, ka thënë Prekazi. /Lajmi.net/