Musliu: Policia nuk ka nevojë për falënderimet tona, por për plotësimin e kërkesave
Deputetja e Kuvendit të Kosovës nga radhët e PDK-së, Ganimete Musliu, është shprehur se policisë së Kosovës nu ki janë plotësuar kërkesat. Ajo në një postim të bërë së fundmi ka thënë se ata nuk kanë nevojë për falënderimet e deputetëve, por për plotësimin e kërkesave. “Realizimi i kërkesave të policisë është puna e parë…
Lajme
Deputetja e Kuvendit të Kosovës nga radhët e PDK-së, Ganimete Musliu, është shprehur se policisë së Kosovës nu ki janë plotësuar kërkesat.
Ajo në një postim të bërë së fundmi ka thënë se ata nuk kanë nevojë për falënderimet e deputetëve, por për plotësimin e kërkesave.
“Realizimi i kërkesave të policisë është puna e parë që duhet t a bëjmë si Kuvend, ose ta mbyllim gojën sepse policia nuk ka nevojë për falënderimet e politikanëve”, shkroi ajo në një status të saj.
Sipas saj, përderisa policët po e kryejnë punën e tyre, edhe politikanët duhet të marrin vendime konform nevojave të policisë.
“Ata po e kryejnë punen e tyre e ne duhet ta kryejmë punën tonë duke marrë vendime konform nevojave dhe kërkesave të policisë!”, u shpreh Musliu.
Ndërkaq, shtojmë se dhjetë kërkesat e policisë së Kosovës përfshijnë:
– ligjin e pagave,
– shtesa e rrezikshmërisë në punë,
-shtesa për punë të vecanta,
-klasifikimi në koeficient për stafin civil,
-shujta mujore,
-shpërblimi për fundvit për përformancë më të mirë,
– tre paga përcjellës për të pensionuarit,
-zbritja e përvojës së punës nga 0.5 në 0.25 për 15 vitet e para,
– sigurimi shëndetësorë e jetësorë.
– dhe ligji për pensionim në policinë e Kosovës.