Kryetari i PDK-së në Gjilan tregon pesë arsyet pse nuk po e votojnë buxhetin për vitin 2025, kërkon dorëheqjen e kryetarit
Kryetari i degës së PDK-së në Gjilan, Riad Rushiti ka treguar pesë arsyet pse nuk po e votojnë buxhetin për vitin 2025. Ai përmes një postimi në Facebook, ka shkruar se planifikimi i buxhetit 2025 është bërë shkel e shko dhe nuk është bërë në interesin e qytetarëve të Gjilanit, por është i menduar mirë…
Lajme
Kryetari i degës së PDK-së në Gjilan, Riad Rushiti ka treguar pesë arsyet pse nuk po e votojnë buxhetin për vitin 2025.
Ai përmes një postimi në Facebook, ka shkruar se planifikimi i buxhetit 2025 është bërë shkel e shko dhe nuk është bërë në interesin e qytetarëve të Gjilanit, por është i menduar mirë qysh me e rrit buxhetin më shumë te kodet buxhetore ku mund të keqpërdoret lehtë, si te subvencionet dhe mallra e shërbime.
Sipas Rushitit, planifikimi i buxhetit është bërë për fushatën zgjedhore të kryetarit të Komunës së Gjilanit, Alban Hyseni, shkruan lajmi.net.
Pesë arsyet e plota:
1. Ka zvogëluar për 1.2 milion euro buxheti për investime kapitale te shërbimet publike, në vend që të ketë rritje sepse buxheti komunal në vitin 2025 është më i madh se në këtë vit.
2. Ka rritur për 1.2 milion euro buxhetin për subvencione dhe mallra e shërbime, duke mos ofruar asnjë informatë të vetme për këtë planifikim. Kjo rritje e buxhetit është bërë për fushatën komunale të kryetarit të komunës, për blerje votash.
3. Nuk ka paraqitur barabarësi në investime kapitale – Planifikimi i buxhetit për investime kapitale nuk është aspak i shpërndarë në harmoni me kërkesat e qytetarëve të lagjeve të qytetit dhe fshatrave të Gjilanit.
4. Nuk ka përfshirë në buxhetin e 2025, projektet që janë të planifikuara në buxhetin e këtij viti, por që kanë dështuar të nisin dhe përfundojnë.
5. Për 3.6 milion buxhet i propozuar të kodi për bashkëfinancim të projekteve, nuk ka paraqitur asnjë informatë se për cilat investime komuna e Gjilanit e ka ndarë këtë buxhet.
Sigurisht që ka edhe shumë të meta të tjera ky propozim buxhet 2025, andaj nuk do të lejojmë që me votat e PDK-së në Kuvendin Komunal të miratojmë një buxhet të keqpërdorimeve, mashtrimeve dhe dështimeve.
Rushiti ka publikuar edhe listën e plotë të projekteve kapitale që i ka planfikuar në buxhetin e 2025, të ndara sipas vendbanimeve, lagjeve dhe fshatrave të komunës së Gjilanit.
“Anarkia në Gjilan nuk mund të vazhdojë kështu, andaj PDK kërkon dorëheqjen e kryetarit të komunës dhe të shkojmë në zgjedhje të parakohshme lokale bashkë me ato parlamentare”, ka shkruar Rushiti në Facebook. /Lajmi.net/
Postimi i tij i plotë në Facebook:
